و أنا أبحث عن فيلم سكس

*الموضوع طاهر و مفيهوش تفاصيل قبيحة أو قلة أدب و ممكن تعتبره بحث صغير
متبصليش كدة إنتا عارف إنك إنتا كمان بتتفرج على سكس أو إتفرجت في فترة من فترات حياتك أو هتتفرج

نرجع من الأول و أنا بتفرج على سكس زي باقي خلق الله الأفاضل لقيت صدفة الجملة دي في منتدى جنسي عربي : " موقع جديد لسكس الأطفال أقل من 18 سنة أسرع قبل الحذف" أنا كنت بالفعل قبل ما أخلص قراية بشخر إيه القرف ده ؟!

اللي فاجئني هو عدد الزيارات الخرافية للموضوع اللي عدت 100 ألف ده من متوسط 10 ألاف لكل موضوع تاني حواليه إتكتب في نفس الفترة !

ده مؤشر إن الغالبية العظمى مش من رواد المنتدى بل من جوجل ; و أنا عملت كدة بدافع الفضول بالطبع و الشكر لجوجل نتايج كتير محذوفة أو محجوبة و برضه شكراً لشركات الإستضافة المجانية اللي بتقفل عدد كبير من المنتديات دي الغالبية العظمى كان محجوب أو مقفول .

بس كان في حوالي 6 أو 7 نتايج - دول اللي عرفت أوصلهم - مش محجوبين 4 منهم كانوا بأحجام كبيرة و التلاتة الباقيين 2 منهم مفيهمش غير عدد أقل من 10 مواضيع و واحد شركة نصب

4 منتديات من الحجم المتوسط الحاجة المشتركة الوحيدة بينها إن عدد الزيارات ألاف أضعاف عدد العضويات المحتوى حقيقي و فعلي أطفال من سن 16 ل 5 أه و الله 5 سنين أولاد و بنات إغتصاب و تفخيذ - لالي هو برضه من وجهة نظري إغتصاب - و تحرش و كل ما يمكن لخيال بيدوفيليك مريض تصوره

أخدت جولة حوالي ساعتين أعمل ريبورت في مواقع الرفع اللي عليها المحتويات دي و اللي مأبدتش أي حركة في فحص المحتويات اللي بعضها من أكتر من سنة مرفوع


عاوزك تفتكر إنتا و نازل تصلي الجمعة - لو بتنزل يعني - أو لو إنتا لسة راجع من الكنيسة بعد القداس إن نسبة و تناسب اغلب اللي بيشوفوا الفيديوهات دي إحتمال يكونوا بيصلوا جنبك لو موضوع واحد عدى 100 ألف زيارة معناها واحد من كل 800 مصري شافه

# النسبة هتبقى أقل شوية
* ده على إعتبار إن المصريين بس هما اللي بيشوفوا المنتدى
* و برضه على إعتبار محركات البحث أو الزيارات المتكررة أو اللي من باب الإستطلاع مش محذوفة

هل لك أن تتخيل كمية القرف اللي أنا فيه دلوقتي ؟؟!!

أن لا تكون كويس

مسرحية
الشخصيات :
كويس : شاب حسن المظهر يمسك مجموعة من الكتب يجلس على مقعد خشبي بسيط في وسط المسرح
منطق : شاب يرتدي ملابس غير متناسقة مضطجع أمام لابتوب على أريكة على يمين المسرح (يسار  الممثلين)
ثيو : شاب يرتدي جلباب أسود يجلس على مقعد مريح يمسك كتاب ضخم يقرأ منه في خشوع على يسار المسرح (يمين الممثلين)

الخلفية : ستائر سوداء تمتد من يسار المسرح حتى منتصفه و ستائر حمراء تمتد من يمين المسرح حتى المنتصف

المشهد الأول
(ينفتح الستار على كويس جالساً في صمت في حين يقرأ ثيو من كتابه الضخم و يكتب منطق شئ ما على لوحة مفاتيح اللابتوب)
يقوم ثيو ليقف أمام منطق
ثيو : أتسب ربي يا ابن الفاعلة ؟
منطق : طيب قول صباح الخير يا عم 
ثيو : السلام عليكم
منطق : و هو أنا بنادي بغير السلام و عليكم السلام يا باشا
ثيو : أتسب ربي يا ابن الفاعلة ؟
منطق : بغض النظر عن البلاعة اللي في بقك دي فأنا مسبيتش حد
ثيو : لقد قرأ أحد الأخوة مدونتك و قد قال أنك فخور بإلحادك تقوم بتدليس الأدلة لتثبت لهم أن لا رب لهم
منطق : أولاً أنا مبحبش إلحاد دي أنا مبدلسش أنا غالباً بترجم أبحاث ناس تانية تعبت في كتابة الكلام ده منهم دكاترة جامعات أو عالأقل باحثين متخصصين في الكلام ده و في الغالب مبتحرجش إني أذكر المصدر بل كمان غالباً مش بنشر حاجة معرفش مصدرها 
ثيو : إنتا كافر
منطق : ماإنتا برضه كافر 
ثيو ممسكا بياقة منطق : أنا ؟ يا ابن الفاعلة
منطق : ما هو أنا ساكتلك من بدري على شتايم كتير تثبت تربيتك الوسخة لكن ما علينا إنتا كافر أيوة 
ثيو وقد علا صوته : كيف ذلك ؟
منطق : إنتا مؤمن ببوذا ؟
ثيو : بالطبع لا أتراني أعبد البقر إن ذلك غير منطقي بالمرة
منطق : غير إنك متعرفش حاجة عن البوذية فإنتا كافر ببوذا على حد قولك أما أنا فمبعترفش بالدين أصلاً علشان تقول عليا كافر
ثيو : أنت كافر معاند
منطق : طيب إنتا ترضى حد يقول عليك ريبابليكان ؟
ثيو : الإسلام جمهوري غصباً عن عين والدك
منطق : أنا أقصد الحزب الحاكم الأمريكي
ثيو: و ما لي أنا و حزب أمريكي
منطق : بنفس المنطق مينفعش تصفني بصفة دينية لأني مبعترفش بالدين
ثيو : ألم أخبرك أنك معاند أنا سأشن عليك حملة دينية تقتلك
(يغلق الستار )

المشهد الثاني
(يفتح الستار على منطق جالساً رأساً على عقب على أريكته في حين ما زال ثيو يقرأ في كتابه الضخم )
ثيو يتقدم لوسط المسرح
ثيو : يا منطق لم لا تجادلني قليلاً فقد أقنعك بوجود رب
منطق متأففاً : إنتا فاكر إنك أول واحد يقول لي الكلمتين الغلسين دول ؟
ثيو : يا أخي و لم العناد قد أقنعك
منطق : طيب أنا عندي طلب بسيط ممكن  قبل ما تقول لي إن في إثبات علمي على وجود رب إنك تجيب مصدرالكلام اللي بتقوله ؟
ثيو : لا تخف لن الجأ للعلم كما تفعل أنت
منطق : كويس جداً وفرت عليا كتير
ثيو : بالطبع فالعلم غير ثابت و لا يجب وضعه في سياق واحد مع الدين
منطق : بغض النظر عن نظريتك العجيبة دي إتفضل إتكلم من غير علم
ثيو : فقط سأسألك سؤال واحد :"من أوجدك لهذه الدنيا ?"
منطق : إنتا بتهرج صح ؟
ثيو : ألا تستطع الإجابة عن سؤال تافه كهذا ؟
منطق :إنتا مقرتش مدونتي صحيح ؟
ثيو : لا فالأمر لا يحتاج لقراءة لأعرف انتمائاتك الصهيونية
منطق : بغض النظر عن موضوع صهيونية ده إنتا فعلاً مقريتش المدونة ده أنا مترجم بحث من 100 صفحة عن الموضوع ده
ثيو : و مختصره ؟
منطق: ملهوش إختصار لازم تقراه كله 
ثيو : أعني ما إجابة سؤالي تبعاً لبحثك العقيم
منطق : محدش يعرف بالظبط 
ثيو : أنا أعلم هو الرب الذي أعبده
منطق : عندك إثبات ؟
ثيو: طبعاً غير إن كتابي المقدس يقول ذلك و أنبيائي المقدسين أيضاً و أتظر حولك ألا ترى ذلك النظام المتقن لابد أن يكون هناك خالق له
منطق : على فكرة كلامك نسبي يعني كل واحد بيتبع دين بيقول نفس الكلام عن دينه
ثيو : أنت معاند لا تستطع تقبل المنطق
منطق :أنا إسمي منطق ! أنا بكتب بمنطق بتبع العلم اللي ممكن أشوفه وأختبره 
ثيو : خذ عندك مثال الرياح أنت لا تراها لا تلمسها لا تستطع التحكم بها فكيف تعرف يقيناً أنها موجودة
منطق : بالعكس أنا ممكن لو رميت شوية طباشير في الهوا أشوف الرياح و هي شيلاه ممكن أحبسها في بلونة أوحتى أضغطها لسائل و ممكن أولدها و أوقفها ده غير إني عارف تركيبها وقدراتها وممكن أقيسها بالعلم طبق ده على ربك
ثيو و قد شرع في ضرب منطق : إنتا حيوان وحقير و بتسب الرب و المفروض أقتلك

يظهر كويس من خلفهما
كويس : يا ثيو إنتا هتموته كدة 
          يا منطق طيب إتحرك متستفزهوش
منطق : أنا بنادي بسياسة اللاعنف و بقول رأيي مش أكتر 
ثيو: ده كافر و ابن كلب و المفروض أقتله
كويس : يا ثيو الراجل بيقول رأيه هو مأذكش و محاربكش و مسبلكش الدين
          يا منطق قول رأيك بس من غير ما تأذي شعور حد أو تمس معتقداته 
ثيو : لماذا تدافع عنه هو إنتا كافر زيه
منطق : مسميش كافر قلتلك
ثيو : إخرس يا بن الفاعلة
كويس : لأ يا ثيو أنا مؤمن معتدل بصدق بالعلم و المنطق بس بعبد رب و بطبق دينه
كويس يفرق بين ثيو و منطق 
ثيو : إذاً لم تدافع عن الكافر
كويس : أنابدافع عن حرية الرأي هو مأجبركش تقرا اللي كتبه و إنتا عارف يا ثيو الأديان بتقول أشنع الألفاظ و الصفات على الناس اللي مش بيتتبعوها و عموماًأنا برضه بحاولأخليه يحترم الرب في كتاباته
منطق : و زي ما إنتا شايف ده مش منطقي إزاي هو بيشتمني و أنا مش من حقي أشتمه إنتا مش بتنادي بحرية الرأي زي ما إنتا فاكر
كويس : يا منطق أنا بحاول أعادل بين الإتنين بأقرا وهم الإله و بأؤدي فروضي أنا علماني بس متدين 
ثيو : أنت عاصي يجب أن تتوب و تستغفر عن ذلك النفاق
منطق : إنتا مش معقول تكون قريت كلام منطقي و رفضته لمجرد إنك خايف تعترف لنفسك بإن الدين غلط
كويس :أنا بحاول أوفق ما بين الطرفين علشان صالح المجتمع 
منطق : المجتمع عمره ما هيبقى كويس طول ما في ناس بتكره بعض .. بي. إس. أنا مش بكرهكيا ثيو أنا بكره دينك و تعاليمه اللي بتحرضك على إنك تعاديني و تإذيني
ثيو : أنا لا أكرهك فقط أكره حماقتك و جهلك و عنادك  غبائك المفرط
منطق : أنا معايا شهادات جامعية تملا دولاب 
ثيو: و ما فائدتها إن لم تساعدك على فهم الرب أنا أيضاً أحمل شهادات جامعية بالمناسبة
كويس : م...
ثيو (مقاطعاً) : هل ستقول نفاقاً مرة أخرى ؟ أنت لست "كويس" بالمرة
منطق : على فكرة يا كويس إنتا في مرحلة لازم تعديها لا يمكن تبقى منطقي و تصدق في حاجة مش منطقية بالمرة
كويس : بس أنا كويس
ثيو : أنت منافق
منطق : إنتا جبان

(ستارة)

أي نعم

      ليلة الجمعة اللي فاتت  صدفة سمعت أختي - أم 15 سنة - بتتكلم مع واحدة صاحبتها كانت بتذاكر معاها و طبعاً الموضوع كان عن الإستفتاء البنت من عائلة مسلمة معتدلة راقية نوعاً ما والدها طبيب و والدتها مدرسة , بعكس ما كنت متوقع تماماً البنت كانت بتحكي مع أختي عن إن نعم دي بتاعة المسلمين و لأ بتاعة المسيحيين و "قال إيه عايزين يلغوا المادة التانية .. ده بعدهم" و الذي منه .

     ممكن تتصور من طفلة - أم 15 سنة - إنها متكنش سمعت عن الدستور أو إن أهلها اللي المفروض من أرقى طبقات المجتمع مهتموش بالنقطة دي خالص في تنشئتها بل و أعتقد إنهم ذات نفسهم معنهدمش معلومات كافية في الموضوع ده .

     في نفس اليوم في صلاة الجمعة - اللي والدي بيجبرني أصليها - الشيخ نفض خالص لموضوع الإستفتاء - و كأنه عارف النتيجة سلفاً - و إتكلم عن حرمانية التعامل مع النصارى من الأساس و واجبنا الشرعي إننا منبدأهمش بالسلام و نضطرهم لأضيق الطرق و نغلس عليهم كمان إن أمكن و خد ييجي ساعتين - و هو طول خطبته في المتوسط - يعدد الأيات و الأحاديث اللي بتدعم موقفه زي مثلاً إن اللي عندنا دول مش أهل كتاب دول كفرة و العياذ بالله مش ربًنا بيقول عليهم " قد كفر " يبقوا قد كفر و مينفعش نتعامل معاهم .

      

     ممكن تتصور إن طفلة عندها 15 سنة أو راجل عازل نفسه بين كتب إتكتبت من قرون أكتر من رقم الIQ بتاع حضرته ميعرفوش حاجة عن التعديلات الدستورية  و الموضوع بالنسبالهم خالفوا اليهود و النصارى لكن الغريبة إن زمايلي في كلية صيدلة - اللي مبروحهاش غالباً - إتوزع عليهم ورق في مضمونه حرمانية التصويت ب"لا" و بعضهم إقتنع جداً و راح صور خمسيناية و وزعها هو راخر .

     ممكن تتصور إن الكلام منطقي كفاية إنه يقنع حد علشان كدة إتفضل شوف دي :)

مش نفس الورقة اللي إتوزعت على زمايلي في الكلية

     مش عاوز أعلق على الورقة دي علشان إنك تشوفها بس كفاية تجيب لحضرتك سكر مش ناقصة تعليقات مستفزة .